أقــــــــــوى الخواطر

انت مو قد الكلام.. كل يوم ولك كلام..
انت تلعب بالقلوب.. انت جاهل بالغرام
تظلمني يالحنون.. وانت قلبي والعيون..
اسمع عذر ابتعادي.. بعدها قولي اخون
بإبتعادي والي صار.. صدقني بإختصار هي ظروف وعاكستني.. مالي فيها أي قرار
ابتعد عني بعيد.. ما أبي حبك يزيد.. الهوى شوق وعذاب.. انت مو داري أكيد
إنت شخص بلا ضمير.. لا تحب ولا تغير.. انا مثلك ما لقيت .. لا كبير ولا صغير
ما أصدق مستحيل.. هذا قلبك أو بديل.. كيف غروه العواذل.. واتهمني بلا دليل
****************
ليتك تداريني .. واتحس يا قاسي..
لا تجرح احساسي.. انا انسان حساسي
ليتك تداريني.. واتحس يا قاسي.

اجرح ولا تبالي.. واتصد عن غالي..
يغليك ويداري.. يا اكبر آمالي..

الي ملك روحي.. هو سبت جروحي..
ماريد انا غيره.. واهواه وابوحي..

لا لا تعذلوني.. عن ناظر عيوني..
تكفون خلوني.. أهواه وأقاسي
******************
خلني..قصه هوى تسكن كيانك

خلني صوره مسافر في سماك!

وخذ حياتي خلها شمعة زمانك

وخذ عيوووني ما سكن فيها

ولمني ثم "ضمني"

بأقصى حنانك..
ولمني ياجعلني كلي فدااااااك.. )
******************
أنا قلبي علىالفرقى عصاني

يحبك ما يحب إنسان ثاني تولع فيك في يوم وليله

(ورسم لك داخلي كل الأماني

أحبك حب ما يخطر ببالك

ويعجزعن تواصيفه لساني

أحبك حب يسوى العمر كله

فداك العمر دام العمر فاني)
******************
قلبي قسمته يا هوى البال بالنص

نصه بوفي وأنت بهديك نصه

أرفق عليه ولا تنيه

وأحرص دامه يخصك بصادق الحب

خصه لا غبت عني يبتدي الحال ينقص

وأسهر وتبدالي مع الحزن قصه

ياليتني في لجنة العلم مختص

والله لحط لمنهج الحب حصة)
**************

اهداء للغالين**~
ياكثر ما أذكرك لا صرت وحدي
وياكثر ما تنسى وأنا اقول معذور..
تضوي نجوم الليل ويزيد ودي
وأذرف دموع الشوق لاشك مجبور..
أرجوك تذكرني لو طال بعدي
تذكر حبيب لك من البعد مقهوور
******************
والله أحبك موت .. لو يموت الصدق في أحضان السكوت.. والزعل يسكن بيوت.. والفراق يصير عادي.. والكذب في كل وادي .. ويصبح الأبيض رمادي... والفرح يلبس سواد.. ويعلن الحب الحداد.. ما يغير في فؤادي قلتها بمليون صوت .. والله أحبك><
*************************
أعيش في غربة وتبكي عيوني ليمن ذكرت اللي له القلب يشتاق

أعانق الذكرى وأعيش بظنوني وأقول الآه والقلب حراق

كل يقول فلان صابه من بعدك جنوني

وأنا أضحك وأسولف وحبيبي من الحب صار مجنوني

أستسمحك يالغالي.. أطلب العذر.. ودي برضاك

طعنتك وردت الطعنة في قلبي

وجرحت أعماقي

مستحيل أعذر وأسامح نفسي

لأني كنت سبب في جرح قلبك الخفاق بإسمي

طلبتك فرصة تعطيها لقلبي.. يثبت إنه تعلق بك وصار يعد فيك القصيدي
**********************

كنت أعز الناس وحبك هو الأخير.. وشي الي جاب حظي الردي.. واليوم تفاجئني بقرارك الأخير.. أن قلبك نوى عني يصد.. وأصبح حبي مثل طي الدهر.. والفراق عند قرب ولا له بد.. *>>>

****************************
مشتاق له ميت عليه.. وينه بعد عمري أبيه..بحكي له عن كل الي صار.. عن غيبته ليل ونهار.. وبلهفتي بحضن إيديه .. وينه بعد عمري أبيه.. حسيت في غيابك حزن.. مريت بأصعب ظروف.. ليته يجي ليته يحن..وبعينه أحوالي يشوف.. من ياخذ أشواقي إليه .. وينه بعد عمري أبيه ><

************************

وين أودي شوق قلبي والوله..لو غديت بعيد عني ما أسمعك.. تملك إحساسي وفكري تشغله.. ترحل طيوفك وفكري يجمعك.. هاك قلبي هاك ليتك تقبله.. خذ سنين العمر أو خذني معك.. أنت تالي الحب عندي وأوله.. ومن يقول إني نسيتك .. يخدعك؟؟
يا مساء النور يا عطر المساء.. كيف أنا أمسيك يوم إنت المساء.. قلبي بذكراك والله ما نسى.. وإن نسيتك ما يطاوعني النسى.. ولو قطعت الوصل يقتلني الأسى.. أعلن لكل البشر وأقول لهم غلاك وحبك بقلبي بأوتاد رسى

*************************
((((>))))

*********************
واعذابي كل ما فيني جريح..
واعذابي كل جرح بي يصيح..
ياهموم الكون هلي وأرحلي..
واتركيني عن همومي أستريح..
هم قلبي .. هم حبي والعنا
والجروح بكل يوم تستبيح
الزمان يخون والغالي يخون
لعنبو دنيا غديت إبها ذبيح
ذي حياتي يالحكي عنها تطول
وذي همومي جعلها تلتقي السميح
ربي اللي خالق الكون الوسيع
ذا رفيق وذا حبيب وذا نصيح
الحبيب الي صار لك صعب المنال
كيف تلقى لك حبيب وتستريح
والعذاب إن صار أصعب ما يكون
ضاق بك كون تحسبه الفسيح
والطبع لا صار يفرض لك سكوت
كيف أقول وكيف أعلم وكيف أبيح
خوفي إن طبعي تطول به السنين
وخوفي إني لا وقفت أرجع أطيح
ياهموم قلبي ما بعدك هموم
ياهمومي كل ما فيني جريح
*********************
أغليتك أكثرمن هلي ..
ورميت روحي بين يديك..
لك آخري ولك أولي..
إن كنت ناوي مقتلي..
برضاي وبكيفي أجيك..
لأنك الغالي علي..
عمري أحطه بين إيديك..
سويت كل الي علي..
والي بقى كله عليك

تبقى حبيبي مثل ما كنت اناديك..
وتبقى حروف إسمك بقلبي معاني..
إن جيتني بقول يا مرحبا فيك..
وبأحرسك بعيوني وداخل كياني..
وإن رحت عني بدعي الرب يحميك

***************
***********************
لك ازف الشوق يا خلي.. من حنايا الروح ولهانه

لي عليكم دايمن تعلي.. ولشوفتك يازين عطشانه

طيفكم عالبال لي يطري.. يامليك القلب وأركانه

العقل من حبكم يهذي.. ويذكرك لو العين نعسانه

ومسمعي لأخباركم يصغي..كود يسمع صوت خلانه

قلت لك روحي تبيك وأبيات شعري تحتويك

قلت لك عمري وحياتي والمشاعر تحتريك

قلت لك قلبي يحبك والعيون تموت فيك

قلت لك أنا أحبك والقلب يشتريك

أنا قلت.. وإنت وش تقول؟))

حبي لكم شمس بالأشواق تمتد

تحمل لكم نفحة وفا ماحيينا

وحبي لكم سيره طويله بلا حد

ماتنتهي مهما قلنا انتهينا

فيك الأمل لا ضاقت الدنيا علي

وفيك الفرح لازادت جروح الأيام

وفيك الوفا لا إحتجت في دنيتي انسان

وفيك المحبه واضحه من دوم عنوان

بإختصار

انت الدفا لا ذبحني برد الأحزان))
************************
*********************
((أنا من دونك عين مافيها نظر

أنا بغيابك غيمة ماتحمل مطر

انا من بعدك قلب من تحته جمر

أنا من غيرك دنيا مافيها بشر))
******************
((يا لهفة الخاطر بك القلب مشغوف

يا ضحكة إشفاهي وللذة سنيني

الشوق لأهل الشوق واضح ومكشوف

الله خلق حبك من الحب فيني

مشتاق لك بالحيل بالحيل ملهوف

سكنت في قلبي وروحي وعيني))
**********************
********************
(( أكتب غلاك بصفحة الطيب والجود
على الوفا يا خلي مانسيتك
وانا اللذي في محبتك حيل محسود
لو تطلب عيوني وروحي عطيتك
باب المودة عنك ماهو ب مردود
وانا بصفحة فؤادي قريــــــتك))
**********************
(( قلبي من عرفك وهو دايم فخور
ما أطنه بيوم أو بلحظه نساك
يردد كلمات الغلا لك في سرور
وأنا أرددها يا عسى عمري يفداك
خل شمس الغلا تتباهى بكل نور
لجل يبان كل نجم(ن) في سماك))
***********************
***********************
.... صدمة ولا أقدر أفكر بعدها ثاني.. صعبة تخيل أعيش العمر من دونك.. تدري حبيبي أحبك حب خلاني.. أبيع كل من شراني لخاطر عيونك ....